田亮女友買豪宅靠自己

跳水王子田亮年初被傳與超級女聲葉一茜撻着，早前仲有傳男方豪花百萬喺北京買豪宅送畀女友雙親。前日田亮嘅經理人已經透過內地網站搜狐娛樂發表聲明，話田亮同葉一茜確係好朋友，仲約埋一齊睇樓，不過送樓呢單嘢全屬流料，嗰間豪宅係葉一茜本人用信用卡畀錢嘅，與田亮無關。