劉德華昨日聯同導演張之亮和吳奇隆，到商台宣傳電影《墨攻》。對於電影《放．逐》因反手握手鏡頭被指為黑社會手勢而要刪剪，華仔說：「據我知導演杜琪峯都冇諗過呢個係黑社會動作，不過如果政府覺得係都冇辦法。我哋《墨攻》好正面㗎，如政府可以幫我哋推廣吓就好啦！」
日前有報道指華仔將與黎明在無綫《翡翠歌星賀台慶》互唱對方的歌，破冰表演，華仔聽到破冰之說不禁笑言：「吓！之前我哋都有合唱過啦，只係耐冇合作，並唔係破冰。」
華仔表示暫未知是否有這環節，但他希望可替男歌手隊奪冠軍，他說：「上年男歌手表現咁好，都攞唔到冠軍，我相信係輸咗啲運氣，我相信今年運氣會好啲。」
採訪、攝影：胡比