正當大學生為償還貸款苦惱之際，博客Jeff在《JeffreyLin.Net》中提出一個很好嘅投資機會，如果大家睇好網上教學軟件及服務前景，不妨留意一下相關嘅上市公司，如BlackboardInc.，藉教學網絡化這個新趨勢，大展拳腳，或會令你賺取意想不到嘅回報。
Jeff指出，過往教學模式欠缺效率，規定學生坐課室內聽老師講課，容易令學生產生厭倦，仲會局限學生與老師嘅互動空間。相反現時教學模式已有很大改進，教材及功課都可以網上取閱，又設立網上討論區互相交流，可見電腦科技進步，有助提升教學質素。
即使某啲學校已嘗試自行發展網上教學系統，但始終屬於「外行人」，難免會遇到不少問題，相信最終都需要向BlackboardInc.求助。值得一提是最近該公司跟Google合作，提升網上教材搜尋器功能，有助促進業務發展。
Blackboard曾鬧醜聞
不過，唔好俾Google「點石成金」嘅名氣所影響，過分誇大彼此合作成效。之前跟Google合作或被收購嘅都係有實力嘅公司，如YouTube，故其後發展甚為理想。但BlackboardInc.始終係小型公司，今次合作成效有幾大，仍然係一個疑問？
此外，BlackboardInc.也曾鬧出醜聞，今年8月美國喬治亞州北區法院控告該公司經營手法存欺騙成份，並於運用專利權中蓄意隱瞞身份，有損股民利益。所以，作出投資決定之前，除留意公司業績及前景外，更需清楚了解其營運手法及風險因素，方為上策。