性格爽朗的陳慧琳（Kelly），原來也有鮮為人知的一面，當她遇上尷尬事時，會即時面紅。她最難忘念中三時，有男同學送朱古力向她示愛，Kelly當時滿臉通紅，雖然她拒絕對方愛意，但仍收下朱古力，並一齊分享。
陳慧琳近日四出宣傳新碟，她最喜歡新歌《面紅》，內容講述女生暗戀男生，每次見面都有臉紅的尷尬感覺。
在現實生活中，Kelly遇上尷尬事時都會面紅耳赤，她記得念中三時，有男同學突然送上一盒朱古力，並向她示愛，當時Kelly滿臉通紅，不知如何是好，Kelly憶述說：「因為媽咪話過讀書時唔准拍拖，我又冇呢啲經驗，咁個男仔突然『質』盒朱古力畀我，當時真係唔識應付㗎。」可是Kelly沒有心動，但為免對方難堪，仍收下禮物，她說：「我只係食咗佢送嘅朱古力咋，最終係冇接受佢嘅愛意。」
買鞋都尷尬
隨着年齡增長，Kelly容易臉紅的特性依然不變，她說：「有次我去法國玩，入到一間鞋舖買鞋，一個法籍光頭男店員好殷勤咁招呼我，佢踎低幫我試鞋時，我忽然見到佢由塊面紅到上頭頂，好搞笑。我都忍唔住笑咗出嚟，搞到自己又尷尬到臉紅紅。」為了解困，Kelly惟有買下那雙皮鞋。
採訪：比華利
髮型：GeorgeShum
服裝：DIANEvonFURSTENBERG
