做個精明消費者，當然要精打細算，但有時「千算萬算」都敵不過超巿的標價「陰招」，不少網民身受其害，將經歷在網上討論區內分享，讓其他人引以為鑑。
親子王國：
cylmama：「又話有正價八折，但每樣嘢係又貼、唔係又貼減價（平1毫都貼）。即係你無樣嘢係正價可以折!」
「辛辣麵有隻冇咁辣叫『石鍋拉麵」（每pack5包），百佳話原價24.5元，特價17.5元，裕記長期（冇特價）賣緊14.5元，離晒譜！其實好多嘢做特價時，已經靜雞雞抬高價錢！」
buyer：「我都好憎超巿成日話買一件30蚊，兩件就59蚊，三件就80蚊，咁買一件就唔抵。」
香港討論區：
Mcdull在討論區內附上兩張惠康超巿黃色價錢牌的圖片，其中桃哈多粟米條原價9.9元，兩件卻要19.9元；另一樣貨品可口可樂原價10.9元，兩件卻標價27.8元。
Mcdull提醒：「去超巿買特價嘢要睇清楚！好易買貴咗都唔知。」