車人合一：Shopping玩OffRoad瓣瓣掂　AudiQ7女人揸得起！

啲男人成日話車大，女人揸唔到！四驅，女人唔識玩！貴車，搵司機揸咪得囉！其實，通通都錯。女人可以愛車、可以玩大車、一樣可以享受駕駛樂趣。今日揸架AudiQ7呢部咁大嘅豪華SUV，嫉妒的眼神來自男同事：「部車咁大架，你女仔人家點揸到！」羨慕的目光來自女同事：「嘩！好型仔，可唔可以載我兜一轉？」經過珠海OffRoad泥地試車、香港馬路實戰，各位大男人請聽住，我夠膽講句：「Q7，女人絕對揸得起！」
記者：陸伊琳
攝影：譚盈傑
模特兒：Dicky

8個女人愛揸Q7的理由
1.泊車冇難度

Q7雖大，但勝在有很多好幫手助各位姊妹倒車及泊車，其一是倒後鏡認真大，對車後情況瞭如指掌；另一個就是泊車攝錄機，畫面上有埋行車線導引，鏡頭又超廣角，泊車點水皮都冇問題。

■儘管車身大，但泊車一樣難唔倒我哋。

■雖然有部份車款都會有泊車攝錄機，但Q7呢套更細心，有埋行車線導引，萬無一失。

■倒後鏡面積夠大，車後情況一目了然。

2.萬用家庭車

7人車載老攜幼最方便，收起座椅空間無限大，揸去掃貨Shopping無問題，中環Shop到銅鑼灣，所有戰利品一車過，通通載回家！

■收起座椅變成載貨量勁多的車。

3.收合座椅不費力

好多7人車，要收起最尾排的座椅都要勞動各位男朋友、老公們幫手，真係少啲氣力都收唔到，稍不小心甚至會弄粗白滑之手；Q7的後座以按鈕方式把座椅電動開合，可以自己動手不求人。

■一按，後排座椅會自動收合，再按亦會自動張開。

4.流動日光車

前中排有個可開合的天窗，而後排就有個透風天幕，陽光可照射到車廂內，盡享日光浴，晚上更可變成流動觀星車，四處曬月光。

■靜靜哋曬太陽，唔使同人迫。

5.先進系統馴服野馬

Q7採用4.2公升V8引擎，馬力達350bhp/6,800rpm，而扭力有成440Nm/3,500rpm，看似是一部好惡的車，但由於有先進電子系統如ESP嘅協助，無論在OffRoad泥濘路上、馬路上，都令司機駕駛自如，加上傳動是6前速Tiptronic半自動波，令各位姊妹更易操控，真正享受到駕駛樂趣。