即食麵已經夠方便，但大家仲嫌唔夠方便，所以研製出杯麵，3分鐘食得。不過針無兩頭利，要快，就要少啲料喇。網友「大大虫」開Post：「我本來很愛吃杯麵，但我覺得它的材料好像不夠，如果在杯麵內加入火腿，雞蛋，午餐肉會不會破壞味道？」多數人都話唔會，而且仲話自己會煎隻蛋，加啲煙肉碎落杯麵，聽落幾識歎。但「愛不色手」就顧慮：「絕對無問題，怕就怕個杯太細，放唔落咁多嘢。」有道理，塞晒咁多餸入個杯度盞迫爆，分開碟上又唔似食杯麵。「fnb2gether」就反對喎：「絕對會破壞味道（加tabasco除外），令到味道沒有那麼純正，倒不如餸菜另外放置。」Xjapanlim亦話：「會呀，會無咗杯麵味。」講咁耐，我覺得呢班網友都儍嘅，食杯麵為乜啫？貪快嘛，快淥快食啦唔該，加乜加物不如唔好食杯麵，「藍衣」就講得啱嘞：「不過要搞咁多嘢嘅話，唔會食杯麵！」
記者：蘇振鵬
網址： http://discuss.com.hk/viewthread.php?tid=2533281&extra=page%3D4