導演葉念琛近期藉撰寫本報副刊專欄，向苦追兩年的心儀女神鄧麗欣（Stephy）獨家示愛。前晚Stephy在電話中得悉後不停哈哈笑，默認對方有追求意思之餘，又揚言葉念琛曾着她看其專欄。雖然Stephy否認戀事，但她又自爆獨愛才華成熟穩重型男士，表現欲拒還迎，難怪男方會在專欄中狂呻被她玩到感情半天吊。
鄧麗欣年前接拍導演葉念琛的《甜絲絲》和《獨家試愛》兩片後，即被對方狂追兩年，葉念琛為與Stephy緋聞男友方力申拗手瓜，近期在本報副刊撰寫的「好時節」專欄中，不停向伊人發表愛的宣言，前晚Stephy在電話中被問到此事時只一味哈哈大笑，似對身邊有狂蜂浪蝶亂舞感到很開心。
論擇偶暗示有機
葉念琛在本周日Stephy23歲生日當天，透過專欄祝她生日快樂，對此Stephy笑說：「我一早知，嗰日佢都有去我生日會，之前佢叫我睇佢個專欄，叫我正日生日時睇，但自己唔記得。」對於葉念琛在多篇文章中獨家示愛，她也笑說：「哈哈哈，唔係，我哋係幾投契朋友，合作過兩部戲，啱傾啫。」
葉念琛屢次憑欄示愛，Stephy則表現受落兼笑不停，她在電話中續說：「佢成日以我做題材，要追稿費，叫佢分一半畀我。」她又稱與對方關係不錯：「我今年書展出書，佢都有幫我寫序，都係好朋友嚟嘅，雖然傳緋聞，但唔會介意，得閒都有約出去食飯。」
向來追求者眾的Stephy透露擇偶條件時，更暗示葉念琛有機，她說：「我鍾意成熟穩重型、有才華，但成熟唔係指年紀大，最緊要心智、思想成熟，現階段係普通朋友關係，都有好多共同話題。」但她對兩人是否有發展機會笑而不答，其欲拒還迎、若即若離的表現，毋怪乎令葉念琛不知如何自處，要在專欄中形容其感情遭人挾帶私逃，被人玩到半天吊。
唔排除閃電結婚
Stephy過往曾稱即使拍拖必定死口唔認，故其戀事撲朔迷離，但她卻忽然自爆恨生仔說：「我嘅生日願望係希望快啲生BB，但一定唔會做未婚媽媽，唔排除會閃電結婚，結婚會公開，希望30歲前結婚，所以今年生日時，好開心有fans同我講，祝我快啲遇到如意郎君。」
採訪：比華利
