早前某宗喺香港發生嘅交通意外中，發現其中一位車主喺座駕入面加裝攝影機，目的唔係做警方嘅「隱型戰車」捉超速車輛，而係將行車情況錄低，倘若不幸發生意外時可當證據之用；原來喺日本東京同大阪約四萬部的士車上，都設有類似嘅鏡頭，除作日常行車紀錄外，也可成為發生意外後嘅證據。然而，當地更有電視台將呢啲片段輯錄成節目播出街，並將不同種類嘅意外分門別類，等大家可以知道一宗意外究竟係點樣發生。
網友bicycle2ch就將部份片段放喺Youtube，片中可看出意外成因主要分成三類，包括不留意交通情況，同埋漠視交通標誌等等，呢啲統統係全世界所有駕駛者都會犯嘅錯，正如網友ft4825回應話：「有時係行人無睇清楚就衝出馬路，而釀成意外。」另網友X0XChesterX0X則回應話：「揸車嘅人係咪冷血㗎，呢啲人應該捉佢去坐監！」就此，我好希望大家可以Click入去睇吓呢條片，提出回覆又好咩都好，至少要記住片中意外發生嘅原因，從而避免呢啲事情發生喺自己身上。
記者：鄭達基
短片網址： http://www.youtube.com/watch?v=ch-0Yr767DQ