車路士龍門冇人守，保頓領隊艾拿廸斯日前主動提出外借艾哈比斯等門將救急，點知呢位阿曼門將舉手都舉唔切，話與其喺保頓空守後備席，不如去車路士做後備喎！艾哈比斯虛榮心都好重啫，但我求大俠覺得車路士未必睇得上呢位門將，因為後備門將獲加同賀華夫，無論經驗同技術都好過佢喇！