【本報訊】原名卓韻芝的芝See菇Bi入院，她在商台逢周一至周五、下午2時至4時主持的《五天精華遊》，昨日開始由DJ謝茜嘉暫代主持一職；至於逢周六上午11時至下午1時的《903專業推介》，則由Vani主持。商台昨日表示，希望卓韻芝好好休息，早日康復。
《五天精華遊》另一名主持余迪偉昨日在節目中表示，收到很多fans網上留言查詢芝See菇Bi的情況，他說：「佢冇事，多謝大家關心，呢幾日畀佢休息吓。」余稱從報章得知拍檔自殺，為讓她好好休息，故暫時不會探望，而周二的節目是預先錄音，故沒受影響。
余迪偉：她為人樂觀
余迪偉又透露，卓韻芝與母親的關係非常好，他曾和她們一起食飯，而卓為人開心和樂觀，不覺得她工作壓力大，有時兩人會相約外出消遣傾心事，但未有詳談關於對方母親去世的話題。
同為商台DJ的森美和小儀均對同事入院表示關心，森美說：「呢幾日冇見過佢，都唔知佢情況點，我同佢參加同一屆DJ比賽入行。同事之間成日一齊傾偈一齊玩，都認識佢媽咪，以前成日整蛋糕畀我哋食，知佢哋母女嘅感情好好，做子女嘅遇到媽咪離開一定會唔開心，希望佢快啲恢復，有需要我哋頂替佢做節目都冇問題。」小儀則說：「佢係一個開心嘅人，加油啦！」