芝See菇Bi企圖自殺，令她的「粉絲」們大感愕然，在網上，有粉絲直言：「之前晚晚做節目喺度開解人，佢自己竟然都咁睇唔開……」粉絲們紛紛留言，祝偶像早日康復，但有網友擔心，事件會吸引其他青少年仿效偶像的行為，其中在香港討論區，有網友則表示：「唔好做壞榜樣啦，話晒都係公眾人物。」
偶像自殺影響大
港大防止自殺研究中心臨床心理學家黃蔚澄指出，雖然沒有研究印證名人自殺對受眾的負面影響有多大，但其影響一定較一般人大：「啲年輕人會諗，佢（偶像）唔開心時都係咁啦，好型吓喎，咁就有樣學樣，好多時都會咁『玩大咗』。」
黃蔚澄指出，傳媒廣泛報道事件會加強年輕人模仿的效應，但家長教師可借個案教導生命的意義；「要做多一重功夫，同佢哋講番對與錯。」他又認為，藝人不用因形象而壓抑本身情緒：「好似谷德昭咁，佢都經歷喪母之痛，佢一樣表達出嚟，問題只係你點去面對。」
部份網民則回應：「對佢（芝See菇Bi）而言，為啲三唔識七嘅聽眾提供好榜樣比思念亡母更重要？……我諗唔關佢係唔係公眾人物事，講真呢個世界上冇人得閒無事會好想死，佢一定係太傷心先會做出呢啲事。」
新聞資訊研究組