〈蘋果波經〉推出的〈賽果王〉遊戲，由〈蘋果波經〉出錢，為讀者從3場指定馬會足智彩賽事中，投注他們的心水波膽。結果讀者劉先生獨具慧眼，成功貼中周日保頓、國際米蘭及巴塞隆拿的贏波波膽過關3串7，為他帶來可觀的$25,980彩金（20元1注）。
劉先生接受訪問時說：「我過去都有買開波，個人比較多投注波膽過關，通常會選擇3串7或者3串4呢兩種方式落注，只係過去好少中晒3關，記憶中多數只中1關，兩關亦唔多。今次能夠估中，多少有點運氣幫助。」
他透露貼波心得：「知道〈蘋果波經〉選定3場指定賽事後，就先諗這3場波邊隊會贏，而紐卡素對保頓普遍比較睇好紐卡素，但紐卡素贏2:1只得7.5倍，既然賠率唔太吸引，便決定博保頓贏2:1，貪佢有成12倍；至於國際米蘭同巴塞隆拿，於賽前已經有信心佢哋可以贏，結果贏之餘，仲要中埋波膽，梗係開心兼興奮。」
出錢幫讀者買波吸引
他表示，今次〈蘋果波經〉出錢幫讀者買波，其實幾吸引，因為讀者可以有機會無本生利，所以日後會繼續參加，還會預校鬧鐘，凌晨起身報名，確保先到先得，以免失去贏取彩金的機會。
估賽果，贏彩金，得10萬元合約做名家！
http://soccer.atnext.com/soccer_poll/