組合2R昨日到旺角朗豪酒店宣傳某品牌最新推出的打印機，與多位模特兒一同展示新產品。
父親生意受損
2R表示隨着打印機的進步，為人類帶來方便，同時也幫助藝人免除不少麻煩，但令在新加坡做沖印生意的父親生意受損，妹妹Race笑說：「佢可能冇得撈，因為爹哋做曬相。」
2R大呻自入行後便不敢到沖印店曬生活照，Rosanne說：「同朋友影嘅相都好難攞出去曬啦，因為人哋曬多咗都未必知，隨時會傳咗出去。我之前去意大利旅行嘅光頭look嘅相，都係自己印。」
2R還會自拍一些絕密性感照，利用家中的打印機親自打印儲存，避免外流，Race說：「平時都唔夠膽喺香港着比堅尼，但係我哋之前去日本買咗好多件比堅尼泳衣，之後喺酒店試，自己就用數碼相機影低，但係唔夠膽攞出去曬。」
採訪、攝影：張俊銘
