黎明（Leon）嘅名模女友樂基兒一向以大膽見稱，幾乎所有香港藝人敢做唔敢認嘅禁忌都俾佢打破晒，好似話佢認完隆胸冇耐又去拆彈咁。其實除咗身材之外，樂基兒身上有多個紋身都唔係乜嘢秘密，包括左耳背紋咗朵玫瑰花、右邊patpat紋咗個草莓，乳暈就紋咗隻蝴蝶，最鬼馬係左邊大髀有個好得意嘅BB紋身，行騷嗰陣零舍搶鏡。
雞咁腳走人
前晚樂基兒喺尖沙嘴海港城為PennyBlack行花生騷，隱約見到佢左邊大髀有一撻結咗焦嘅疤痕，用厚粉遮住，至於個BB紋身就唔見咗。馮仁昭八到原來樂基兒早排接受激光手術，整走個BB圖案，因為仲未完全甩得晒，所以睇到有啲疤痕，難怪前晚樂基兒一行完騷就雞咁腳咁走人，免得俾記者發現。唔知佢今次決定整走個BB紋身，係咪黎生嘅意思呢？
