英超維拉嘅保加利亞中場柏杜夫早前宣布退出國家隊，有傳佢同教練史杜捷哥夫不和。不過維拉領隊奧尼爾最近猛咁游說柏杜夫重返國家隊，仲話27歲嘅年紀係當打之年，唔好嘥晒啲才華喎。好多領隊都唔鍾意自己愛將「服兵役」，費事影響喺球會表現，我求大俠覺得奧尼爾呢啲先至叫真領隊囉！