名模琦琦將主持內地首個模特兒真人騷《時尚極星-FashionStar》，前日她在上海出席記者會，這個節目是仿效美國超模新秀大賽的模式，琦琦扮演TyraBanks的角色，兼任主持及評判。
琦琦說：「呢個節目嘅幕後班底都喺美國飛過嚟，導演仲會留低一年㖭，個騷會喺12月初首播，我哋會喺內地多個城市包括北京、上海、成都、重慶同深圳等幾萬個參賽者中，挑選最優秀嘅一個出嚟，贏出嗰個獎品好豐富㗎，有一年模特兒公司合約、百事可樂、Motorola同Lays'薯片廣告合約。」
Out人有壓力
自言也是美國超模新秀節目忠實fans的琦琦又說：「𠵱家我已經開始有壓力，因為要out人真係好殘忍，我自己唔係呢種人，我會盡量用最友善嘅態度對啲參賽者。」
採訪：DebbieLum