名模AnaR.最近獲邀擔任內衣品牌Wacoal香港區代言人，昨日她聯同四名模特兒在銅鑼灣崇光百貨行騷，吸引大批傳媒採訪，其中她穿上一條背後透視內褲，非常性感，AnaR.說：「今日係我第一次喺咁多人面前着內衣，真係有啲shy（害羞），不過今次酬勞好好，我下個禮拜日（指29號）生日，可以買一份好好嘅禮物獎勵自己。」
男友專買大bra
問AnaR.接拍內衣廣告前，可有獲男友周立璟批准？她說：「佢𠵱家唔喺香港，不過我做乜佢都支持，Heisagoodguy.」現場有人認為AnaR.對愛情太盲目，她聞言即說：「我唔係盲目，如果佢有做背叛我嘅事，我一定同佢分手，過去發生某啲事，如果我在場都會發生嘅。」AnaR.又指平日有穿性感內衣給男友欣賞來增加情趣，她說：「男友都有幫我買bra，不過佢次次都買大size，可能所有男人都希望女朋友（胸部）大啲啩。」
採訪:梁錦雯 攝影:陳俊強
