馮仁昭噚日收到風，話早年受到廉署「舞影行動」影響嘅無綫製作部助理總監何麗全（左）已經遞咗辭職信，有傳佢會加盟李澤楷有份投資嘅大國文化，管理一個新成立嘅製作部門。聽聞大國文化方面最初曾經同華納高層陳志光傾過，最終傾唔成，於是改斟何麗全。馮仁昭噚日向無綫總經理陳志雲（右）求證何麗全係咪辭職，但佢否認有呢件事。