賭王何鴻燊前晚往尖沙嘴出席女童軍90周年晚宴，他透露已按族譜「開」字為新生孫女改名，由於風水師傅指BB女五行欠木，所以名字用「梓」字叫開梓，並笑說：「阿梓阿梓，子子女女……」希望媳婦再來一個孫仔，湊成好字便最好。
賭王何鴻燊前晚以女童軍副會長身份，聯同女兒超瓊及超蕸在尖沙嘴洲際酒店，出席女童軍90周年晚宴，記者再次恭喜賭王，其兒子猷龍及媳婦、維他奶家族後人羅秀茵為他添了一名孫女，賭王笑說：「BB女好靚好白淨，可能係飲得維他奶多啦，頭髮鬈鬈哋，重七磅半，肥嘟嘟好得意。」問他送了甚麼禮物給孫女？他說：「呢啲後生會揸主意㗎啦。」
諗過叫開心開胃
問到BB女的名字，賭王說：「要跟族譜排嘅，我哋呢幾代係排啓、世、鴻、猷，到孫蝨呢代就排開字，我諗過叫開心或者開胃㗎，不過太老套啦，佢哋好迷信嘅，搵師傅幫手，師傅話BB女五行欠木，我同個仔傾開偈諗到，不如叫佢阿梓啦，幾好聽吖，阿梓阿梓，子子女女幾好呀，𠵱家先生個女，再帶個男嘅嚟，咁咪個好字囉。」
記者再恭賀賭王雙喜臨門，兒子猷龍為人父又當選傑青，賭王說：「佢話都唔知點解會選佢，不過佢同我大有分別，我就黃大仙有求必應，佢呢揸算盤仲緊過我。」
超瓊冇見過姪女
此外，記者問何超瓊有否見過胞弟猷龍的BB女，她竟冷冷說：「冇見過、相都冇睇過。」問她為何不見姪女一面？她說：「細路仔人太多圍住佢，驚有細菌接觸嘛。」
採訪：GeneNg
攝影：ChenWaiOn
