打開PSP嘅朋友，唔多唔少係玩開PS2嘅同一班Fans。喺討論區上，就有個網民選出心目中「最想咩Game轉成PSPGame」選舉，而最終得到最多票數嘅，係SONY賽車名作《GranTurismo4》。不過有網民話：「04年尾買機時話出，點知出到今日都唔見有。」更有人話因為聽到PSP出《GT4》先買機，點知家陣冇晒影！聽落網民對呢隻《GT4》都算又愛又恨。
喺PS2度出晒名嘅名作，機迷當然想佢哋全數喺PSP上重現。不過亦有網民慨歎PSP冇嚟新意好鬼悶，覺得應該出多啲屬於PSP自己嘅Game，而唔係起勢移植家庭Game過嚟。雖然呢位網民所言非虛，不過筆者都想講句公道話：「呢門始終係生意，如果少啲人改機玩番梘，相信遊戲商先肯落重本投資開發PSP新Game。」
記者︰柳飄飄
http://www.uwants.com/viewthread.php?tid=2789791