張之亮導演昨日率領演員劉德華、吳奇隆等於黃埔海逸酒店宣傳新片《墨攻》。劉德華透露該片有一場戲找來千多名臨時演員扮演死屍，拍攝的演員相當辛苦，但工作人員將「死屍」拋進葬坑內時動作緩慢，令華仔大發雷霆，華仔說：「演員人叠人，底嗰啲仲會壓親，啲工作人員拖慢晒，嗰日係我唯一一日發脾氣。」
對於杜琪峯的新片《放．逐》內，其中一個鏡頭涉及黑社會反手握手動作，被電檢處列為三級，華仔指每個國家也有清晰的規則，界定取決於觀看者的感覺，華仔說：「阿杜要清楚以後不改風範，定係配合電檢，佢自己要研究，至於電檢相對地要多啲熟悉嘅人去做，我唔知佢點解睇得出係黑社會手勢，我都習慣用反手同人握手，因為有時同一時間，右手又握，左手又握。」對於以後會否減少用反手握手，華仔說：「最重要係睇個動機係乜。」
妨礙創作空間
陳小春昨日到佐敦綵排《我至愛演唱會》，對於《放．逐》要剪黑社會手勢片段，小春質疑為何《無間道風雲》有粗口對白，又不列為三級，他覺得不公平，假如樣樣都禁，不如清一色拍一級片，創作空間因而畏首畏尾，香港電影就不用再做。
此外，由陳小春、張智霖及余文樂等演出的電影《卧虎》前晚在尖沙嘴舉行首映禮，余文樂為了拍鄭保瑞新戲《軍雞》，飾演好勇鬥狠的角色，而將頭髮及眉毛全部漂白，他說：「遲啲會剃光頭，呢個係我入行以嚟最勁同大膽嘅造型。」
採訪：藍文浩、馬建華
攝影：陳俊強、陳偉權
