【本報訊】天台上三排鐵皮屋租客之一的劉伯（67歲），30多年前已租該天台一角做士多麵檔，他是名副其實的「天台台長」，他不但見證該天台如流水般租客搬進遷出，還見證了新蒲崗一帶工廠區的變遷。「以前返工放工時，成個工廠區都係人；𠵱家天台住客都多過成座工廠大廈嘅工人。」
旺景大廈天台搭建鐵皮屋後，劉伯就與太太租了天台一角近千呎鐵皮屋做士多麵檔，單單接旺景大廈裏工人的生意就忙不過來。
回歸後工廠變貨倉
「70年代，製衣廠晚晚加班，工人忙到無時間食飯，我送外賣同做麵就夠食啦，工廠好景，工人有人工加，啲人又捨得使錢。」劉伯緬懷從前的好景時，突然轉變語氣說：「回歸後，工廠北移，樓下間製衣廠老細，風光時有三間廠，𠵱家賣晒囉。工人無工開，旺景變成貨倉，我嘅士多就再唔見人影，惟有唔做囉。」97年執笠後，劉伯仍然繼續租用上址，主要用作與舊街坊舊客仔「打躉」相聚。「每個月2千幾租金，我仲有能力畀咪繼續租囉。𠵱家我都係靠子女畀生活費㗎。」