香港人鍾意炒樓炒股票，原來韓國人都鍾意炒，不過係炒人參同松茸。尤其係喺10月份，「參茸」價格更加直線上升。好似網友林大鉉就話佢有支6年參，仲係高麗參，即係最貴嗰種參，yahoo一開賣俾人bid到上70萬韓圜，兌番即係5萬幾蚊港紙。佢係網上留言：「支參係我阿爺留畀阿爸，不過我等錢搞生意，所以想賣咗支參套現。」未睇過亦未摸過就被人bid到咁高價，呢鋪真係幾「我為參狂」。至於松茸方面，係江原道襄陽嘅松茸一收成就經已賣到10萬韓圜750克，喺韓國經營參茸店嘅金文皓就話：「今年嘅松茸價格同往年差唔多，不過我睇好佢會再升值，所以𠵱家我有貨都唔賣住，過多個禮拜至出貨，到時應該有得賺。」
http//kr.yahoo.com