「想嗒糖，買工行。」白髮蒼蒼的老股民雖然久疏戰陣，但昨晨仍抱持必賺心態「出山」，在旺角滙豐銀行外排隊領取工行認購表格。長長的人龍當中，既有「乜都唔識」的婆婆，也有懷抱嬰兒的少婦，不過最突出的還是「旺角李嘉誠」鍾叔，人家全港首富李嘉誠斥資兩億美元，以機構投資者的姿態認購工行，但「旺角李嘉誠」只準備以一萬幾千元認購三兩手，他謙稱：「玩吓啫！」
「銀行業務喺另一條龍，呢條淨係攞招股書嘅啫，唔好排錯呀！」在銀行保安員沿着人龍喊叫的提點聲中，家住旺角、外貌與長實主席李嘉誠有五、六分相似的鍾叔，昨晨8時許偕同一名中年女子到滙豐銀行旺角彌敦道分行，排隊領取工行申請表格。
「人玩自己又玩吓」
取得申請表格後，一臉歡喜的鍾叔聽到記者說他與李嘉誠相像時回應說：「好多人都咁講㗎，我今年73歲。」
當被問及這次認購工行的策略時，鍾叔謙虛地笑說：「玩吓啫，係咁意抽三幾手啦，人玩自己又玩吓咁嘅意思啦！」
另一邊廂，正在排隊的梁伯則精神奕奕地對記者說：「大約七幾年啩，我買過隻汽水廠，揸咗好耐，後嚟賣咗換番啲本錢，都冇乜賺到。之後認購過隻領匯，到𠵱家都仲未放，我唔打算放住。」「咁咪賺好多？」記者問。81歲的梁伯不慌不忙地說：「賺咩賺吖，一手半手！濕濕碎，股市梗係有上有落㗎喇！」
「早嚟唔使排長龍」
在滙豐觀塘分行排頭位的蔡先生，早於昨晨七時便到來，他是首次認購新股，「咁早嚟就唔使排長龍！」他看好工行前景，計劃認購3,000股，有賺就會沽售。
本報記者