張敬軒（右）最近為牙醫學會唱會歌《牙齒之歌》，首歌由顧嘉煇（左）作曲、鄭國江填詞，噚日仲拉大隊去佐敦錄音。煇哥今次返香港，原來係為咗由佢同胞姊顧媚、顧嘉鏘三姊弟一齊舉行嘅畫展，展覽於本月30號一連4日喺大會堂舉行，煇哥會展出25幅作品。開畫展之餘，煇哥都好關心肥姐沈殿霞個病，仲搵熟朋友幫手，希望可以同肥姐聯絡問候對方。