【本報訊】秋風送爽，食肆推出大閘蟹宴，並以太湖或陽澄湖蟹掛帥。部份食肆更推出矜貴的大閘蟹宴，香港洲際酒店的中西合璧蟹宴，以Fusion菜窩貼蟹粉沙律挑戰顧客的品味，以筷子般粗的蟹粉海虎翅彰顯食家的豪氣；鴻星酒家首推的一人超級蟹宴，則以原隻南非大鮑魚招徠。 記者：蔡朗清、翁煜雄
香港洲際酒店欣圖軒主廚劉耀輝表示，酒店剛推出的六道菜式蟹宴，主打清蒸大閘蟹，取自太湖蟹，「今年嘅太湖蟹質素幾好，唔單止蟹重膏肥，最重要係供應好穩定，酒店派人到太湖揀蟹，全部係蟹公，啲肉實啲，夠晒口感。」
特點中西合璧
劉耀輝續稱，今年蟹宴特點是中西合璧，例如頭盤的Fusion菜式窩貼蟹粉沙律，以蟹粉入窩貼，配上沙律食用，「食客唔使拆蟹，可以食到啖啖蟹粉。」傳統菜式包括蟹粉小籠包、蟹粉雞粒蒸蛋白等。
他笑說，其中超豪、足足二両的蟹粉海虎翅，卻惹來食客投訴，「有客人投訴話我哋賣假翅，話真翅冇理由咁粗。」
劉耀輝又教路說，進食大閘蟹不要粗枝大葉，需要慢慢品嚐，「有啲人快快脆食晒啲膏就算，但我覺得最好食係大閘蟹腳啲肉，一邊挑啲肉食，一邊飲紹興酒，好享受。」
鴻星海鮮酒家今年則推出11款大閘蟹套餐，以陽澄湖蟹作主打，其中首推的超級蟹宴，一位780元，以原隻南非大鮑魚招徠；酒家發言人稱，經濟復蘇，不少顧客希望品嚐矜貴的蟹宴。
配以川菜烹調
雲陽閣川菜館除推出超值大閘蟹餐，包括六両清蒸大閘蟹、酸辣蟹粉野菌翅、蟹粉小籠包、擔擔麵等；還特別炮製多款餸菜供散叫，如配以川菜烹調的「蟹粉酥盒」，製法是將黑醋炒的蟹粉、紅蘿蔔及青紅椒等，放進四川鄉土小食「饃饃」餅內，入口外碎內軟，味道酸酸辣辣，極惹味。
至於「酸辣蟹粉海皇翅」，也將四川酸辣湯變奏，新加入蟹粉、魚翅、帶子及蝦等。