女性喺商場上地位吃重，就連中國都出咗位女首富，佢哋嘅影響力亦唔嘢少。噚日，美商會同《南華早報》齊齊搞咗個「最具影響力的女性」頒獎典禮，今次頒發嘅三個大獎：「最佳企業家」、「年度最佳專才」同「年度傑出女青」，分別由新華財經行政總裁布希（FredyBush）、威漢環球傳播創辦人陳一木丹（VivecaChan）同摩根大通中國證券市場部董事總經理兼主席李晶（JingUlrich）奪得。
布希一手創辦新華財經，今時今日，已經成為中國主要的本地財經信息公司，仲成為第一家喺日本上市嘅非日資公司㖭；Viveca係威漢創辦人，又係全球10大廣告公司之一GreyGlobalGroup嘅行政總裁；李晶40歲未到就已經擔任JP要職，有齊哈佛大學學士同史丹福碩士兩張沙紙，學歷高過唔少男性。仲有邊個敢睇小女人！