今年5月先出獄的「上海首富」周正毅又有新聞！內地《中國證券報》話，阿周生經已改名換姓，喺幕後操縱住龐大資本帝國！事緣海鳥發展喺今個月宣布同農凱系的2.7億擔保責任完全解除，表面上，標誌着農凱系最後一間上市公司，同周生脫離關係，但報道話呢間海鳥發展其實係佢喺內地股市早擺好的一着棋，呢間公司話事人係唐海根。
呢位唐生喺98年後一直係農凱集團辦公室主任同埋董事等，佢亦係周生大嫂唐海珍嘅大佬，簡單講，又係一家親，周生先係真正話事人囉，咁周生改咗乜名？喺獄中叫周振義，出咗獄後又再改。據聞香港老廉要顯示實力，暗地叫同胞做嘢，上個月將呢位頭號通緝犯再拉過……其實研究吓條中港引渡條例咪得囉！