呢個星期歐冠又嚟料，最矚目嘅一定係車路士同巴塞呢對寃家連續第3年碰頭！兩年嚟互有輸贏，巴塞舊年過咗車仔呢關後，更捧埋冠軍，今次車仔仲要出埋茅招整爛自己個球場，唔俾客隊踢得咁順。
不來梅歐冠蠱惑博細
當然最好就係可以防止到「細哨」同美斯起腳，車路士因為上場對雷丁有施治同古廸仙尼分別傷出，今次可能要用到球隊嘅第3號門將，講真我個人絕對唔睇好，呢場波我揀巴塞。另外同組嘅雲達不來梅對索菲亞利夫斯基，前者喺德甲好鬼強，鋪鋪都開大，但係一踢歐冠就腳軟兼爆冷頻頻；上場不來梅喺聯賽大勝，呢鋪唔敢話會輸，但估開細。
手上拿住6分嘅除咗有車仔外，仲有拜仁、阿仙奴、曼聯、里昂、華倫。後4隊今仗對手唔算強，應可取勝提早出線，不過賠率唔算吸引。從賠率去睇，拜仁作客未必贏到士砵亭，雖然上仗拜仁大炒柏林哈化，不過同不來梅情況差不多，拜仁喺歐冠盃發揮唔算好，叫佢主守都OK，強攻未必有本錢，今仗摸和攞1分已經唔錯。
值得一提是利物浦作客對波爾多，立博開出嘅主客和和局只係2.87倍，有睇開我專欄嘅球迷都知道，2.87倍開出嘅機會相當高，不如兩場和波串埋，2串3都有15倍㗎！
謝利
立博亞洲區首席博彩顧問
電郵：[email protected]