胡杏兒和許志安前晚在奧海城宣傳下周一播映的台慶劇《肥田囍事》，二人穿上中式及西式禮服，同場大玩玩新人遊戲，要正在減肥的胡杏兒吃百力滋及朱古力豆，認真難為了新娘。
下周一啓播的無綫台慶劇集《肥田囍事》，前晚在奧海城舉行「童夢婚宴賀台慶」活動，筵開39席盆菜宴，劇中主角胡杏兒跟許志安分別穿上中式及西式禮服出席，現場播放《肥田》的片段，氣氛一如是二人的婚宴，杏兒和安仔還手拖手在台上合唱劇集的主題曲，杏兒的父母都有到場支持。
笑說抱完睇跌打
杏兒和安仔在現場大玩玩新人的遊戲，當中要他們吃吊在空中的百力滋，不過正在減肥的杏兒聽到要吃碳水化合物，即臉有難色，司儀蔡康年即打圓場說：「食啲啦，唔係咪冇力洞房。」最後杏兒吃了一半，餘下給安仔吃。之後安仔蒙眼用匙羮餵朱古力豆給杏兒吃，其後他要抱杏兒落台，他笑說：「之前拍劇抱佢，次次都要去睇跌打，𠵱家佢好輕盈，正。」杏兒也禮尚往來抱起安仔。
在劇中飾演杏兒父親的秦煌，在台上大談嫁女感受時，將杏兒跟黃宗澤的緋聞拿出來開玩笑，他說：「杏兒減肥還減肥，不過唔好減得太過份，收SMS600個咁多，唔使錢呀，同好嘥電㗎嘛。」被取笑的杏兒聞言但笑不語。
問杏兒他日結婚會否弄得如此盛大及熱鬧時，她說：「都好㗎，仲會請埋無綫嘅一班工作人員到場，因為之前去過一個監製嘅婚宴，好多TVB人，覺得好熱鬧。」當問她有關其緋聞男友黃宗澤被指在節目《遊戲天王》中對陳法拉鹹豬手一事時，她則一律不作回應。
搵弗人組隊籌款
安仔透露93年曾穿過中式禮服，當時的拍檔是緋聞女友鄭秀文，問他結婚時可會大排筵席，他說：「結婚唔會擺酒，因為覺得好似做show咁，所以到時都會係旅行結婚。」
此外，安仔昨日去到中環出席公益金國金二期慈善跑2006記者會，他今年會籌組藝人隊參與比賽，身體力行為公益金籌款，他說：「兩年前唔夠瞓去跑，但係喺我暈之前林峯暈先過我，考慮今年未必搵佢，要搵啲弗啲，好似方力申、EO2咁。」
採訪：卓寶花、張俊銘
攝影：陳俊強
