香港曾是翡翠中心，吸引不少台灣人、日本人等來買賣玉石，但隨着中國開放及加入世界貿易組織，珠寶玉石加工業日漸式微，被內地取代。
不過，有行內人士強調，挑戰中也有不少機遇，問題是如何把握，「做生意邊個冇捱過？應該發揮港人逆境自強精神克服。」
應考慮轉型
從事珠寶玉石行業及專門研究翡翠30年的香港珠寶學院院長歐陽秋眉表示，香港玉石業發展高峯期為90年代中，「嗰時閒閒哋一個下晝，幾間公司就可以做到成千萬生意，不過中國入世同開放之後，已經唔同晒，內地成本低人工平，香港點同人哋爭？只有好top嘅師傅先有得做。」
香港珠寶玉石廠商會顧問陳日強亦表示，雖然業界面對很大挑戰，但危中有機：「同其他製造業一樣，睇吓你識唔識轉型，香港成本貴、人工高咩？返內地做有冇得諗呀？內地發展好快，有好多機會，香港亦有本身嘅優點，唔好吓吓諗到要放棄。」