昨日比較過搶閘推出稅貸的銀行優惠有幾着數，其中提及大新/豐明銀行嘅稅貸，經有關方面指正，兩家銀行的稅貸優惠詳情如下：
賣點係10月底前成功申請及提取貸款，可獲3個月免息免供期，但就要用分期貸款，而且還款期要12個月或以上，要注意呢個優惠只係將貸款延遲3個月開始還，唔係唔使還。
同其他銀行一樣，大新/豐明都推出「兩人同行」申請稅貸利率更低嘅優惠，另外，若星期六或星期日攞齊文件去大新/豐明分行辦理稅貸申請，即場送100元購物現金。
至於最高貸款額為稅款3倍或50萬元（以較低者為準），不過，高達稅款3倍的貸款只適用於選擇由銀行代交全數稅款（包括第一及第二期稅款）予稅局的客戶，唔好諗住借多啲用嚟投資或者還其他債呀。另外，還款期6至24個月，若提早還款要罰欠款額1%。