近排單鏡DC大熱，好多人都心郁郁想出機，自然討論區都有唔少人問吓其他網友買機意見，好似最近就有人問到喺NikonD70s、Canon350D同PENTAX*istDL邊部好，呢位網友自己都落場試過，覺得350D幾好，不過又想慳啲，而以*istDL個價位最啱佢。回應嘅人都幾客觀，認為*istDL係幾抵玩，唯一擔心係將來無咁多配件選擇，要問人借鏡亦相對比較困難。另外亦有唔少網友認為，對單鏡機嚟講，鏡頭亦好重要，所以應該揀部大牌子，以後啲鏡只要保養得好都可以一直用落去。
其實Nikon同Canon兩品牌都有大堆擁躉，自然唔使多講，反而係PENTAX最近部K100D價錢抵玩得嚟，套裝又送埋兩支鏡，好幾個網友都話夠晒抵用。不過估唔到係，好幾個網友都提到一點較少人留意，原來佢哋買機都想要分期付款，供機即使買部貴啲都無咁肉赤，各代理商不妨力谷呢類優惠。
記者：許福合
http://www.uwants.com/