八方噚日聽到個唔係咁開心嘅消息，就係保安局局長李少光嘅愛女剛剛喺上星期一過咗身。李局長有一子兩女，不幸離世嘅係排行第二嘅女兒，今年只得24歲，據講係因為血癌不治。一早已計劃好明年59歲退休嘅李局長白頭人送黑頭人，自然好傷心，但噚日都有照常返工。 李局長向來低調，連保安局一啲職員都唔知呢個消息。李局長話，多謝八方關心，但愛女離世始終係傷心事，所以佢希望低調啲。李局長嘅大仔李霖恩亦話，爹哋媽咪因為妹妹離世好唔開心，媽咪嘅情緒剛剛先平復番啲，所以佢唔想講咁多，以免令媽咪觸景傷情。