周中歐冠盃賽事，當球迷諗緊車路士可唔可以擊敗巴塞，阿仙奴又可唔可以提早出線，冇直播嘅歐冠盃賽事都有好嘢，不妨早捧波圖同華倫贏波。
漢堡今季輸死人，以1支上季德甲季軍，竟然聯賽同歐冠盃未贏過；中場重心雲達華治缺陣甚為關鍵；波圖算係葡萄牙主場王，分組賽首仗被中央陸軍迫和，但攻門不少，以基拉斯馬、普斯廸加等級數，擊敗漢堡不成問題，開飛1.83倍主W，預計臨場落飛，不妨早買。
華倫西亞兩戰全勝，周三若擊敗薩克達，提早出線機會高；華倫聯賽剛輸畀切爾達，不敗身被破，球員反而有減壓作用，而且華倫主場甚惡，歐冠連同聯賽全勝，以亞洲盤計都全贏，今次對手薩克達作客已被羅馬大炒，華倫「讓球主客和」的「主勝」仍有1.75倍，臨場未必頂得住，有信心就今日提早投注。
博佐加頓斯再贏波
周二單頭瑞典波，大樹好遮蔭下，一於博客軍佐加頓斯冷W；講真哥登堡同佐加頓斯兩支老牌勁旅，今仗都令人失望，佐軍尚有啲好處，就係作客表現不俗，擊敗過馬模同哈馬比，上次亦反底擊敗咸史達斯，兩連勝在望。
文：牽牛