師生戀是世俗禁忌，愛上一個不應愛的人，注定要承受別人異樣的目光，maxkenny的學校近日孕育出一段更驚世的戀情，「我學校有個男仔鍾意咗個校工﹗全校都知啊﹗」他說該校工是年約30歲的中年女子，「有啲媽咪feel㗎。」由於戀愛對象太出人意表，他說該同學近日情緒低落。
學生與中年女校工談戀愛，網友均認為匪夷所思，豬仔指女校工隨時做得該男學生母親，有網友笑言男生可能有戀母狂，或者希望有人照顧他，littletaotao認為兩人相戀「真係幾好笑」，「精采程度可以媲美師生戀。」
大家你一言我一語揶揄maxkenny，nam7064看不過眼，「其實無乜特別，男人同女人成熟咗都鍾意比自己年紀大嘅異性，根本就係正常，會覺得好笑只係思想唔成熟。」wwfyin1說愛情是很神奇的事，「鍾意就鍾意，冇得好講，希望佢哋可以有一段好好嘅回憶。」