梁榮忠日前被網友指他在錄影遊戲節目期間狂昅陳法拉洩春光，昨日兩人一同出席活動，未有顯得特別尷尬，陳法拉還力撐忠仔謂對方既是隊長，當然要「睇住」隊員，譚詠麟（阿倫）則笑言會「幫眼」防女方走光，還說：「係人都會昅啦！」
梁榮忠、陳法拉、陳秋霞、譚詠麟及陳曉東等昨日出席在尖沙嘴舉行的「TVB8．百盛愛心呈獻：百家盛情知音樂滿城」記者會，日前有網友指梁榮忠在遊戲節目《遊戲天王》中狂昅陳法拉和康華走光，昨日梁榮忠與陳法拉同場擔任司儀，未因而顯得尷尬，陳法拉講錯台詞時梁榮忠還幫她執生。
東東談拍拖耍太極
事後梁榮忠被問到該段報道時，帶點不悅說：「如果大家要戴有色眼鏡去睇都冇辦法，網上嘅人寫乜嘢都唔使負責任，乜都從性嘅角度去睇，掂吓隻手又話媾法拉，咁不如唔好做呢行啦，總之當事人覺得冇嘢就得。」陳法拉也謂：「我唔覺得有呢件事（被昅），忠仔係我哋嘅隊長，梗係要睇住我哋啦，我哋都係盡力去玩遊戲之嘛。」
同場的阿倫也力撐梁榮忠說：「係人都會昅啦，幫手睇吓人哋有冇走光嘛，如果係我，我睇好耐㖭呀，幫吓眼啫，如果唔睇咪好蝕？」
此外，陳曉東早前被本報拍得在上海拖着新歡裴唯瑩到劉嘉玲開設的酒吧消遣，問他是否蜜運中？陳曉東說：「我唔想成日將自己嘅嘢交代，大家唔需要追問，有下文大家一定會知，冇下文嘅就唔使再追問。」答案玄之又玄。
採訪：胡比
攝影：陳志嵐
