【本報訊】「𠵱家帶團要一路行，一路㩒住個計數機，睇吓遊客買嘢夠唔夠數，都唔係向佢哋介紹香港！」任職本地入職團導遊十多年的阿No慨歎，本港的導遊多不設底薪，帶旅客購物跑不夠數就即時丟飯碗，令不少良心導遊被迫為虎作倀。「如果我哋肯團結起嚟，收唔到指定成本就唔接團，情況可能會改寫。」
花錢內地「買人頭」
阿No透露，這類零費團、甚至負團費十分普遍，特別是來自青海、內蒙及東北三省等偏遠地區，因旅客對本港認識不多，被視為最佳「羊牯」。本地旅行社往往要向內地旅遊公司支付每人300至400元「買人頭」，更要負責他們在港食宿及交通。一般而言，旅行社可向珠寶、百貨公司收取約四成回佣，「呢類團每人要買5千蚊嘢，旅行社先可以回本」。但部份內地旅遊社也相當狡猾，「賣人頭」時虛報團友資料，如訛稱全團是生意人，抵港後方發覺是消費力弱的長者、教師，部分無良本地旅行社或會中途斬倉「棄團」。
香港導遊協會主席余莉華昨表示，導遊角色相當被動。現時行內有約30間旅行社專門接「零團費」旅行團。