曾志偉、王敏德、黎瑞恩（小恩子）與車婉婉等，昨日在西貢出席高爾夫球活動，王敏德駕駛直升機接曾志偉到球場，志偉表示在直升機上感覺很自由自在，他說：「真係心郁郁想買部直升機，都係百幾萬，平過買架車，不過考牌就麻煩啲。」
「我都有興趣」
小恩子透露已有半年多沒有打高爾夫球，因為要湊小朋友，她說：「我唔係特別熱衷呢種運動，因為我比較心急，呢個運動太慢，不過老公好鍾意打，我係陪太子讀書。」最近她與老公聽兒歌時發覺時下的兒歌很差，她說：「啲歌唔好聽之餘，仲有好多錯字，會教壞細路。老公叫我唱吓兒歌，出吓碟喎，我都有啲興趣，不過未開始計劃。」雖然早前有報道指車婉婉介入小恩子與丈夫的感情，但昨日二人老友鬼鬼一起打波，完全沒有影響友情。
採訪：胡比 攝影：林德雄
