噚日沙田馬場舉行一年一度的婦女銀袋日，場內衣香鬢影，唔少女士打扮靚靚入場，莎莎化妝品有限公司老闆郭少明伉儷連續兩年贊助婦女銀袋賽，今年對佢兩夫婦嚟講應該最難忘，皆因佢哋名下馬「終身美麗」有份跑婦女銀袋，結果仲響騎師柏寶胯下贏馬兼捧盃，郭少明贊助婦女銀袋，自己隻馬捧走此盃，你都咪話唔威。
郭少明賽後一踏入馬主廂房，全場馬主同嘉賓報以熱烈掌聲。佢同八方講，「終身美麗」轉入告東尼馬房後，馬性文靜同進步咗，賽前狀態好弗，因此賽前信心十足。
郭少明為善不甘後人，佢話會將「終身美麗」頭馬獎金64萬全部捐出，一半捐畀中國愛滋防治行動；另一半捐畀保良局，郭少明咁有愛心，抵佢隻馬「終身美麗」贏馬兼捧盃。