鄧裕宗不游泳、不唱歌，飯後一垂頭，粥粉麵飯就會自鼻孔流出，晚上要坐着睡，要不然吐得一枕頭都是，因為他的胃很高，就在喉嚨附近，喉頭還開了一個洞，用來呼吸，大束鮮花放在眼前，他也嗅不出花香。八年前，醫生割走他的食道及聲帶，因為他得了鼻咽癌，當時43歲的他是工廠老闆，煙齡逾30年。
切除食道及聲帶
99年，他確診患上食道腫瘤，醫生建議切除食道及聲帶，將胃拉高至舌底，他於是開始了坐着入睡的生活，每晚九時後不再進食，「因為無食道鎖住食物，消化得慢，胃酸倒流，就會嘔返出嚟，見到想食都唔可以食，如果耷低頭，就會喺個鼻度流返出嚟，成個枕頭都係，出去食飯，要擺定個盆，一咳就嘔落個盆度。」
從前，他拿着咪高峯就引吭高歌，現在拿着專為無喉者而設的咪高峯，只能發出混沌的聲音，「最初出院，講極都講唔到，時時發𤷪𤺧，諗住第日都唔會再出街，以後留喺屋企上網就算。」工廠的客人聽得不耐煩，統統溜走，「試過搭車，同司機講去邊，都唔知我講乜，就畀張紙我寫；嗅覺就得番三成，以前買一束花，𠵱家要買兩束先聞到。」
直至接觸到專為無喉者服務的香港新聲會，他才重新投入社會，但朋友卻買少見少，「有啲人會無耐性等你講，因為聽唔明，不過亦有啲好耐無聯絡嘅朋友，喺我屋企陪我捉棋、打麻將。」
鄧的父母都是煙民，自己中二開始吸煙，母親及哥哥分別因肺癌及食道癌死亡，從前絕少吃水果、蔬菜，至愛醃肉，一場大病，失去聲音，令他體會健康重要，「好後悔以前食煙，想戒幾次都戒唔到，第一次係太太有BB，第二次係阿媽有肺癌，戒過好短時間，見人食，又食番。」
現為新聲會內務副會長的他，經常苦口婆心勸人不要食煙，即使要吸，也不要在子女或其他人面前吸；每周做兩、三天義工，到學校宣揚戒煙。
有興趣了解更多癌症支援服務，可致電癌協熱線36560800，或瀏覽香港癌症基金會網頁www.cancer-fund.org。
記者 張嘉雯
逢周一刊登