「上上吓堂墮胎？」、「仲係讀緊中二嘅少女？」自稱在澳門xx中學讀書的本港大眾論壇網友「SEASON_1917」，近日在網上「爆大鑊」稱：「我哋學校有人喺廁所墮胎呀（有相）！」果然，SEASON_1917在其留言的附件中上載了兩張血淋淋的照片，令網友為之震驚。
網友SEASON_1917指出，他所讀的學校「係人都收」，所以甚麼樣的學生都有。他繪影繪聲地說：「今日晏晝第2堂上堂嗰陣，有人食咗墮胎藥……喺3樓廁所諗住屙佢出嚟，點知個BB自己出咗嚟呀！跌咗喺個廁所地下，搞到成地下都係血呀！超恐怖~」
他續說：「唔使5分鐘成間學校都知道晒㖭呀，即刻有兩個主任守住3樓個廁所唔畀人入~個校長驚我哋學校個名會仲臭，所以仲冇叫白車㖭＞＜成件事最慘係個BB……佢無辜㗎。好心啲人凡事小心啲啦……希望嗰個BB可以早啲投胎再做返人啦＞＜個女仔讀F.2㗎咋。可能佢諗住沖咗落廁所就冇事啩。」
「係咪講緊鬼片情節呀」
「唔係呀麻？」網民反應熱烈，尼諾說：「沖咗個BB佢好恐怖呀~𠵱家係咪講緊啲鬼片情節呀~好得人驚！個女仔咁儍㗎？如果有咗我都唔知點算好lu（我都係F.2）。不過我唔會落咗個BB佢，好恐怖㗎~」
網友「依戀」激動地說：「個BB係無辜㗎！如果你唔想要就要做好安全措施啦！！成日搵命嚟玩。咁既然有咗……就好應該生佢出嚟。生咗出嚟唔要咪送佢去嗰啲乜院乜院囉。我諗天下間冇一個媽咪見到自己BB出世嗰陣會唔要佢㗎！」本報昨日多次致電該中學，始終無人接聽。