第4屆屈臣氏集團運動同樂日，噚日喺小西灣運動場圓滿結束，陣容一次比一次鼎盛，上年已經有成16個國家派代表參加，估唔到今年仲要多6個㖭，比賽項目有9個，差唔多係奧運嘅三分之一，參賽選手逾千人。華華見選手都好盡力，個個都出晒汗，台下觀眾就嗌到聲都沙，氣氛真係拍得住奧運。財務總監蘇若禹仲身體力行，順利跑咗場3000米。
今屆除咗人多勢眾外，最特別就係運動員Marchingin後，台上差不多有廿人一齊擊鼓表演，拍子又準又齊，超有氣勢。聽司儀講，先知佢哋係本地泳手，只用咗3個月訓練擊鼓就有咁嘅水準，真係要頒個獎獎勵吓！
近5分鐘嘅擊鼓表演完畢，分別代表International、RetailHK、Manufacturing同Group&IB嘅選手代表就繞場半周，燃點聖火。如果司儀唔係講廣東話，而係普通話嘅話，華華仲以為睇緊08北京奧運。