車人合一：難擋Mercedes-BenzGL500舒適誘惑　背夫偷車上山喪玩

車人合一：難擋Mercedes-BenzGL500舒適誘惑　背夫偷車上山喪玩

老公：
我知當日瞞住你，攞咗你架全新Mercedes-BenzGL500四驅車，一個人走去同啲朋友玩爬山係我唔啱，但你知嘛，當你第一日攞架車返嚟嗰陣，我已經俾佢個流線而豪華嘅外形吸引住，當你話我知架車有齊晒最先進嘅越野裝置，玩OffRoad時可以輕易咁應付任何崎嶇路面，就連駕駛技術一般嘅我，都可以駕控自如，由嗰一刻開始，我已經心癢難耐想試試。經過幾日四驅之旅，我終於體驗到佢嘅舒適性同剛強嘅越野操控性，當你睇完啲相，你就會相信，即使係咁大架豪華四驅車，我一樣可以揸得好輕鬆，你放心啦，再玩多幾日我就會返嚟㗎啦！
老婆Joey
16-10-2006

記者：黃婉冰
攝影：譚盈傑
Model：Joey、Gary（PureModel）

上山落地　驚險SnapShot

■單輪朝天依然四平八穩照行可也，未驚過。

■老公，唔係你先識玩到飛沙走石，我夠得咯。

■懸掛軟硬適中，OnRoad或OffRoad，我一樣揸得咁輕鬆舒適。

■揸住GL，我唔使再驚斜路停車會溜前或者溜後。

GL500有晒先進四驅裝備，唔使你我都玩得起！

老公，你真係無講錯，全新Mercedes-BenzGL500果然有晒先進嘅越野裝置，好似AIRMATIC氣壓懸掛系統、精確嘅速度感應動力轉向，單單呢兩樣裝置，已經幫我喺成個四驅旅程中克服到唔少困難，雖然所行嘅山路又窄又多彎，但我依然可以淡淡定咁慢車入彎，轉向敏捷，遇到凹凸不平嘅路面甚至石澗，扭一扭中控台上嗰個調校車身高度嘅扭掣，就可以將車身升高30mm、80mm或110mm，加上涉水深度高達600mm，過深水溪澗地方一樣無問題。唔單止咁，新車仲有埋DSR下坡速度控制系統、上坡起步輔助系統、越野ABS防鎖死制動系統，有咗呢幾樣裝置，我一個女仔都可以應付晒所有又高又斜嘅山坡同山路，唔信？睇完啲相包你心服口服。

■你成日笑我手車渣，但我話你知GL雖然大架，但睇位一樣咁易，上山過窄路一啲都難唔倒我。

■擰個掣就可以將車身升高降低，最高仲可以升至有307mm離地距。

■有上坡起步輔助系統，只要重踏油門，部車就會好敏捷又穩定咁上斜。

■部車有差速鎖，可因應唔同嘅路面，再揀前、後驅或四驅力度分配。

我從未試過揸四驅車，可以揸得咁舒服！

你以前一直話我唔啱玩四驅車，因為我最怕坐車顛簸，今次你估計錯誤啦；GL500個ADS自動吸震系統做得非常好，一路上我都覺得好舒服，而且隔音又好，我一路揸一路完全唔覺得好顛簸，以前我可能會坐到嘔，但坐喺GL上面，呢個問題已經消失得無影無蹤，因為佢有一套軟硬適中嘅避震，即使玩OffRoad，一樣唔怕坐到頭暈。

■用上20吋車胎同合金軨，你睇吓，走過咁多崎嶇山路同沙石地，一樣完好無缺，幾硬淨。

■出車已經有晒原廠腳踏，好似我咁嬌小嘅身形，上落一樣輕鬆自如。

■軚盤後有轉波按鈕，無論軚盤扭到去邊，只要按左右任何一邊按鈕，都可以隨時轉波。

■7座位式設計的車廂，第2、3排座位相距815mm，坐埋朋友依然好闊落。

■有DSR下坡速度控制系統、越野ABS系統，就算停喺極斜嘅山路上停車再踩油都唔怕會溜後。

唔使擔心，因為有PRE-SAFE主動安全防護系統！

我諗當你睇完啲相會開始擔心，擔心我第一次玩越野就玩得咁激，放心喎，你話過新車有埋PRE-SAFE主動安全防護系統嘛，就連司機同前排乘客座位都有NECK-PRO碰撞感應頭枕，安全氣袋亦會Standby，當遇上意外時，將乘客受傷程度減到最低，仲有埋BAS煞車輔助系統、ESP電子循迹穩定系統，內內外外都咁安全，放心晒啦。

■後排座椅一㩒掣就會自動開合，唔使靠你我都搞得掂佢。

■6碟CD連彩芒，資料顯示清楚又易用，啱晒我。

Mercedes-BenzGL500規格

引擎：5,462c.c.V8DOHC
馬力：388hp/6,000rpm
扭力：530Nm/2,800-4,800rpm
傳動：7前速7G-TRONIC半自動波
車價：$1,298,000
車輛提供：仁孚行（28957339）

■車頂原廠電鍍行李架，用嚟綁我嘅滑浪板最啱。