天氣轉冷令哮喘病更容易復發。有醫生指出，雖然本港因哮喘引發死亡的個案不多，但家長應與醫生一起替患哮喘的病童，制訂病發時的緊急處理方案。
夜晚病發機率高
本身是兒科醫生的香港哮喘會副主席譚一翔指出，防範哮喘復發的最佳方法，是平時做好穩定及控制病情的工夫，此外，亦要定出周詳的應急方案，「當小朋友發病時要點做、用咩藥、吸幾多同點吸等等，呢啲家長係要識點做，唔使急起上嚟唔知點做。」
他又說，過去十多年因哮喘突發引致的死亡個案，「印象中好似只有幾宗」，但家長都不可掉以輕心：「天氣（昨日）係涼咗少少，空氣睇落都唔係咁好，對哮喘病人都會有影響㗎；尤其係夜晚發病嘅機會都會高啲，因為人嘅呼吸系統喺晚間敏感啲，溫度又低啲，同埋荷爾蒙喺夜間嘅分泌都對哮喘不利。」