無親無故的雄哥，得悉與他境況相同的街坊吳國華因癌病去世，欲一盡昔日情誼，為他執葬。只是自己疾病纏身，又靠綜援過活，無法為其支付骨灰位費，遂向蘋果日報慈善基金求助。
52歲的雄哥多年前在深水埗居住時認識吳國華，其後兩人剛巧一同遷到油麻地居住，並經常在區內公園聚頭，不時下棋閒聊，建立了友誼。
街頭暈倒送院不治
至上月中，他突然接到吳國華肝癌病逝的消息。「其實之前都聽過佢生癌，佢喺9月18號過身之前兩日，我仲喺公園見到佢，佢精神都唔錯，真係諗唔到佢兩日之後就喺街度暈咗，送入醫院後就過咗身。」
雄哥稱，60歲的吳國華早年在街市從事宰雞工作，近年已退休，依靠綜援金過活。因吳國華在港並無家屬，故病逝後由他代為辦身後事，他向社會福利署申請殮葬津貼，獲發放約一萬元，已全數用作打齋、棺木、火葬等費用，尚欠4,900元骨灰位費用無力支付。
以往任職小巴司機，因坐骨神經痛而沒有工作的雄哥說：「我本身都係單身，冇人冇物，𠵱家我咁樣幫人，都希望第日有人可以幫番我。只不過我都係攞綜援，根本無能力畀呢筆錢。」蘋果日報慈善基金得悉雄哥情況，正安排從「殮葬專戶」撥款4,900元，直接向殯儀公司支付吳國華的骨灰位費用。
殮葬專戶：C0339