郭富城日前接受車淑梅嘅港台節目訪問，噚日播出，下周四係佢41歲生日，佢話會喺蒙古工作中度過。問到生日願望，城城話希望身體健康，因為唔健康就乜都做唔到，又希望45歲前可以做套音樂劇，將畢生所學嘅，用肢體語言表現出嚟。另外，佢又話《三岔口》部戲令佢轉變好多，放低咗過往嘅包袱，更投入去演戲，又大讚新戲《父子》拍檔楊采妮做得好出色。