香港乳癌基金會大使楊千嬅（右）噚日同李珊珊（左）、李蘢怡等，喺山頂出席慈善步行籌款日。有傳千嬅將過檔東亞娛樂，佢避談話：「敏感時候乜嘢都唔講，做歌手做好本份，如果唔係簽邊間都死。」有冇考慮到同鄭秀文同門會一山藏二虎？佢話：「今日我仲係金牌歌手，適當時候會有交代。」又有傳黎明出價4,000萬斟佢過檔，佢答：「黎生有4,000萬都捐去公益金先啦！」