美國佩尤研究中心（PewResearchCenter）嘅調查發現，美國人認為新一代上班族比上一代嘅情況糟糕──工作時間更長、更辛苦，老闆誠信下降，職位保障亦唔及以往；係全球化趨勢下，愈來愈多工作被外判到海外，福利也變少。《MSN》討論區有唔少網民講述對工作嘅感受。
sheerocks稱：「我老公係高級技工，但佢公司鬼咁刻薄，最近改變工資和工作制度，令佢變相減薪四成。仲有，佢擒擒青食完午飯就要開工，有時喺晏晝有緊要事想出街15分鐘，但公司唔准。」所以佢認為，一份工最重要嘅福利，係工作時間要有彈性，好似職員嘅細路病咗，就應該畀員工返屋企照顧細路。公司亦應提供醫療保健福利；職工做得好嘅時候，公司亦應該加以讚賞。
不過，網友Realist2006頗享受其工作：「我份工福利多籮籮，員工可自選四星期放假（將來會增至六周），購物獲折扣優惠，並享有豐厚嘅退休金，醫療保險費幾乎全數由老闆支付。公司更提供免費咖啡、小食、高速上網等福利。員工只要支付24.99美元（約195港元），就可與美、加和部份歐洲國家嘅親友無限次通電話，可以慳好多長途電話費！」